ఈ మధ్య కొంత కాలంగా ఫార్మా ఇండస్ట్రీలో చాలా కాంపిటీషన్ కనబడుతోంది. అలాంటి కాంపిటీషన్ వ్యాపార పరంగా మంచిదే. అంతే కాకుండా, ఫార్మాలో పని చేసేవారు అనే మాట ఒక్కటే, జనాలు ఉన్నంత వరకూ జబ్బులు ఉంటాయి. అలాగే జబ్బులున్నంత వరకూ ఫార్మా బాగానే ఉంటుంది అని. ఇలాంటి తరుణంలో నేను క్రితంలో లాభమార్జించిన ఓ షేర్ ఇప్పుడు చాలా నష్టాలలో ఉంది. ఇలాంటి సమయంలో మనం ఎంతో కొంత ఇన్వెస్ట్ చేస్తే బాగుంటుందని నా అభిప్రాయం.
అది 2007వ సంవత్సరం మార్చి నెల 17వ తారీఖు. అప్పట్లో మన షేర్ మార్కెట్ శర వేగంతో పరిగెడుతోంది. అలాంటి రోజున నేను REI Agro Ltd., అనే కంపెని యొక్క షేర్లు ఓ నాలుగొందలు కొన్నాను. ఎంతకి అంటారా.. Rs.257.35/- ఆ తరువాత దానిని ఓ ఆరు నెలల తరువాత Rs.375/- వద్ద అమ్మేశాను. దీని వల్ల నాకు కలిగిన లాభం, Rs.47060/-. ఈ షేరు ఇప్పుడు నష్టాలలో కూరుకు పోయి తక్కువలోనే అమ్ముడవుతోంది. BSE లో ఈ షేరుని కొనాలంటే ఈ లంకె ని చూడండి
ప్రస్తుతం ఈ షేరు 48 రూపాయిల 90పైసలు దగ్గర వ్యాపార లావాదేవీలు నడుపుతోంది. కావున వీలైనన్ని కొని, లాంగ్ టరమ్ కోసం దాచుకున్నారనుకోండి, బ్యాంక్ వడ్డీ కన్నా ఎక్కువే లాభం పొందే అవకాసం ఉంది. ఇక్కడ నా ఉద్దేశ్యంలో లాంగ్ టరమ్ అంటే దాదాపు ఓ ఆరు నెలలు అన్నమాట. అందువల్లన ఓ ఆరు నెలలు డబ్బులు మనవి కాదు అనుకున్నట్లైతే ఈ షేర్ యందు ఇన్వెస్ట్ చెయ్యవచ్చు. కాకపోతే ఇక్కడ ఓ మాట చెప్పికోవాలి. ప్రస్తుతం ఈ షేరు ముఖ విలువ ఒక్క రూపాయి మాత్రమే. ఈ సంవత్సరం జనవరి లేదా ఫిబ్రవరిలలో ఈ షేరుని స్ప్లిట్ చేసినట్టున్నారు. అందువల్ల ఆ నాటి నుంచి ఈ షేరు అమ్మకాలలో ఎక్కువగా కదలిక కనబడుతోంది. ఈ తరుణంలో ఈ షేరు 90 రూపాయలు వద్ద కూడా వ్యాపార లావాదేవీలు మనకు కనబడతాయి. ఏమైనా, ఇంకొక రోజు చూసి ఈ షేరుని కొనడం తెలివైన నిర్ణయమే అని నా అభిప్రాయం
ఆఖరుగా .. ముందే చెప్పినట్లు, ఇది నా అనుభవం మాత్రమే. నేను ఏ విధమైన పరిశోధనలు జరపలేదు, అలాగే నాకు అనుభవఙ్ఞులెవ్వరు సాయ పడలేదు. ఈ కంపెనీ యొక్క సాంకేతిక విషయాలు నాకు ఏమాత్రం తెలియదు, కావున మీరు ఇన్వెస్ట్ చెయ్యదలచుకుంటే అందుకు పూర్తిగా మీరే భాద్యులు. ఒక వేళ నేనాశించినట్లుగా ఆరు నెలల తరువాత కూడా ఈ షేరులో మార్పు రాని యడల అందుకు నన్ను భాధ్యుడను చెయ్యవద్దని ముందుగా హెచ్చరిస్తున్నాను
