చంద్రగ్రహణం : వికారి : ఆషాడం : గురు పౌర్ణిమ

కేతుగ్రస్థ చంద్ర గ్రహణం వివరాలు

గ్రహణ ఛాయా ప్రారంభ సమయం - 17 Jul, 00:13:51
గ్రహణ ప్రారంభం – 17 Jul, 01:31:43
గ్రహణ ఉఛ్చ స్థితి – 17 Jul, 03:00:44
గ్రహణ విరమణ ప్రారంభం – 17 Jul, 04:29:39
ఛాయా గ్రహణ సమాప్తం – 17 Jul, 05:47:38

* భోజనాలు వంటివి 16న, దాదాపు 13:30 గంటలలోపు ముగించుకోవాలి
* అస్వస్తులు, ఆహార సేవనాన్ని, తేలికైన విధంగా, దాదాపు 20:45 లోపుగా ముగించుకోవాలి
* గర్భిణిలు చక్కగా పూలు ధరించి, వీలుచేసుకుని గ్రహణ సమయంలో ఇంట్లో దీపార్చన చేస్తే ఇంటి యజమానికి స్రేయస్కరం

1- మేషరాశివారు గ్రహణాన్ని గమనించి, శ్రద్దగా పరిశీలనచేయడానికి అనువైన సమయం

2- వృషభరాశివారు గ్రహణాన్ని గమనించకుండా వారికి ఉపదేశానుసారంగా మంత్ర/యంత్ర/తంత్ర జపానలు సాధనలను చేసుకోవాలి. గ్రహణానంతరం తలస్నానం చేసి, సూర్యోదయం తరువాత చంద్రనికి ఓ నూలుపోగుని సమర్పించాలి. పసుపు పూసినదైతే శ్రేష్టం

3- మిధున రాశి వారు గ్రహణాన్ని చూడరాదు. సాధనకి ఇది అనువైన సమయం. తమ ఉద్దతిని కోరుకుని, ఇష్ట దైవానుగ్రహంగా, సూద్రులకు గానీ వైశ్యులకు గాని దానమిస్తే శ్రేష్టం

4- కర్కాటక రాశి వారికి ఈ గ్రహణం నిమిత్త మాత్రంగా ఉంటుంది. కావున అశ్రద్ద చేయకుండా, సత్కర్మలు చేయకపోయినా సమ్మతమే కానీ ప్రయత్న పూర్వకంగా వికల్పాలకు దూరంగా ఉంటే వారికి శ్రేయస్కరం

5- సింహరాశి వారికి ఈ గ్రహణ ప్రభావం దుష్కరమల నిర్మూలనకు పనికి వస్తుంది. కావున అంతవరకూ తెలిసి చేసిన దుష్క్రుత్యాలకు పశ్చాతాపం చెంది, పునరావృత్తం కాకుండా ఉండటానికి అనువైన సమయంగా పనిచేస్తుంది. ఈ సమయంలో వీరు క్షత్రీయులకు దానం ఇస్తే శ్రేష్టం

6- కన్య రాశి వారు కూడా ఈ గ్రహణ సమయానికి పూజా మందిరం దగ్గరలో ఉంటే శ్రేష్టం. వీరు గ్రహణాన్ని దర్శించ రాదు. మరునాడు తల స్నానం చేసి వారి ఇష్ట దైవ ప్రీత్యర్దం వైశ్యులకు దానం ఇస్తే మంచిది. గ్రహణానంతరం మీన రాశి వారితో గ్రహణ విషయాలను చర్చించి అధ్యయనం చేస్తే ఇరువురికీ మంచిది

7- తులారాశి కూడా ఈ గ్రహణాన్ని దర్శించ రాదు. మరునాడు తల స్నానం చేసి రావి చెట్టునకు ప్రదక్షణలు చేస్తే మంచిది. గ్రహణానంతరం, వృశ్చిక రాశి వారితో గ్రహణ విశేషాలను చర్చించి అధ్యయనం చేస్తే ఇరువురికీ మంచిది

8- వృశ్చిక రాశి వారికి విధ్యార్దన నిమిత్తం గ్రహణాన్ని పూర్తిగా అభ్యసించాలి. మరునాడు, వీరు వృషభరాశి వారితో చర్చించడం ఇరువురికీ శ్రేయస్కరం.

9- ధనురాశి వారు కూడా ఈ గ్రహణాన్ని దర్శించరాదు. మరునాడు, వీరు వృషభరాశి వారితో కలిసి మేషరాశి వారితో గ్రహణ వి్శేషాలను చర్చించి అధ్యయనం చేస్తే మువ్వురికీ మంచిది

10-మకర రాశి వారుకూడా గ్రహణాన్ని దర్శించకపోవడమే శ్రేయస్కరం. వీరు సింహ రాశి వారికి దానం ఇస్తే లేదా పుచ్చుకుంటే ఇరువురికీ మంచిది

11-కుంభరాశి వారుకి ఈ గ్రహణం అశుభాన్ని కలిగించడానికి అవకాసాలు ఎక్కువగా ఉన్నాయి. కావున ఈ రాశి వారు ఈ గ్రహణానికి అత్యంత దూరంగా ఉంటే వారికి శ్రేయస్కరం. పూర్తిగా ఉపవాశం ఉండి సాధన చేసుకోవాలి

12-మీన రాశివారుకూడా ఈ చంద్రగహణాన్ని అధ్యయన / సాధనలకు అనుకూలమైన సమయంగా తీసకుంటే మంచిది. కావున వీరు తప్పని సరిగా దర్శించి విషయాలను యధావిధిగా ఇతరులతో పంచుకోవాలి.

చక్రవర్తి
జ్యోతిష్య విద్యార్ది ..

** ఈ విషయాలకు నేను మాత్రమే భాద్యుడను. కావున ఎవ్వరికి ఎటువంటి అసౌకర్యం కలిగినా అందుకు పూర్తి భాద్యత నాదే అని గమనించ గలరు *****

****************************
ఇచ్చిన సమయాలు భారత కాల మాన ప్రకారం ఇవ్వబడ్డాయి. అంటే, ఏఏ ప్రాంతాల వారు వారి వారి ప్రాంతాల అనుగుణంగా మార్చుకోవాలి అన్న మాట.

ఉదాహరణకు, భాగ్యనర వాసులు 16 నిమిషాల 16 సెకన్ల సమయాన్ని తీసేయ్యాలన్నమాట.
************************************

-------------------------------------------
వినదగు నెవ్వరు జెప్పినన్ - వినినంతనే వేగిర పడక వివరింప దగున్
కనికల్ల నిజము దెలిసిన - మనుజుడే పో నీతిపరుడు మహిలో సుమతి

చాలా రోజుల తరువాత

ఏదో వ్రాయాలని ఉంది.. ఇంతకాలం గెలిచానో తెలియదు ఓడానో కూడా నాకు తెలియదు..

గెలిచాను అనుకొని ఓడిపోతూ వచ్చానా !! ఓడిపోతూ గెలిచానా !!

కాలం మాత్రం గడిచిపోయింది.. ఎన్నో భావాలు మరెన్నో జ్ఞాపకాలు..

ఏమి సంపాదించానో తెలియట్ల.. ఏమి కోల్పోయానో అర్థం కావడం లేదు..

ఇదంతా అసహనమో అసంతృప్తో అర్ధం కావడం లేదు.. 

ఎంతో చేయాలి అనుకున్నా.. ఏం చేశాను అనుకుంటే ఏమీ కనబడలేదు..

చేయలేక చేయలేదా!! చెయ్యగలిగి చేయలేదా!!

నాకే నేను ప్రశ్నగా మిగిలిపోతున్నానా!! లేక ప్రశ్నించుకుంటూ మిగిలిపోతున్నానా !!

మహిళా ప్లస్సర్ల సమావేశం .. భాగ్యనగరంలో..

నిన్న యాదృశ్చికంగా ఏదో సినిమా టైటిల్ నా చెవిన పడింది. సీతా రాముల కళ్యాణం, లంకలో .. అన్న పట్టాన పెట్టాను ఈ పుటకి శీర్షిక.

ఓ సంవత్సరం క్రిందట ఇలాంటిదానిని భవదీయుఁడు అనే బ్లాగులో పెట్టినట్లు గుర్తు. అప్పుడేమో మహిళలు అంతా కలసి, మహిళా బ్లాగర్ల సమావేశం అని పేరు పెడితే, ఈ సారి ఆ సమావేశాన్ని ప్లస్సర్ల సమావేసంగా పేరు మార్చారు. రాజకీయ నాయకులకి అలాగే మహిళలకు పేర్లతో పనేంమిటి?

ఆ!!! మహిళలను రాజకీయ నాయకులతో పోల్చడమా !!!

రాజకీయ నాయకులకు దోచుకోవడానికి ఏ పధకం పేరైతేనేమిటి? వాళ్ళకు కావలసినది దోచుకోవడమే, నాకెంత? నీకెంత? అనే కదా అనుకునేది. అదే విధంగా మహిళలకు వారి సమావేశాలకు పేర్లతో పని ఉందా?? ఏ పేరైతే నేమిటి, తలా ఒక వంటకం చేసి తీసుకొచ్చి ఓ చోట పేర్చుకుని కూర్చుని, అప్పట్లో నేనేమి చేసానో తెలుసా.. నువ్వేంమి చేసావు .. అంటూ బాతాకానీ కొట్టుకోవడానికి ఏదో ఒక కారణం కావాలి కదా!!

ఈ తతంగం అంతా నాలాంటి ఒంటి కాయ సొంటి కొమ్ము లాంటి వాడు ఖండిస్తున్నాడు. చరిత్ర పునరావృత్తం అవుతుంది అంటే ఏమిటో అనుకున్నా, ఇవ్వాళ కూడా మా ఇంట్లో బెండకాయ కూరే!! Sad smile  అక్కడ వాళ్ళేమో రకరకాల వంటలతో భోజనమా!! నాకేమో బెండకాయ కూర, నీళ్ల చారా.. తూచ్ .. నేను ఒప్పుకోనంటే ఒప్పుకోను..

నిజం వ్రాయాలంటే, ఇలాంటి కార్యక్రమాలు జరుగుతున్నాయి అన్నప్పుడు నాకు భలే సంతోషం వేస్తుంది. ఏదో విధంగా మహిళా లోకం అంతా కాకపోయినా, కొందరైనా వీలు చేసుకుని మరీ కలుస్తున్నారు. పాతరోజుల్లో వనభోజనాలు జరిగేవి. దాదాపు ఓ రెండు దశాబ్దాలుగా నేను వనభోజనాలలో పాల్గొన్నట్లు ఙ్ఞప్తి లేదు. కారణాలు లేకుండా, మరొకరి హితవు కోరుకుని క్షేమ సమాచారాలు తెలుసుకుంటూ చుట్టం చూపుగానైనా వీరందరూ కలుస్తుంటే, ఎంతో ఆనందం కలుగుతుంది. చుట్టాలతో కొన్ని సార్లు ఏదో పిచ్చాపాటి మాట్లాడుతూ, వారింటికి మనల్ని ఆహ్వానించినా, లేక, మన ఇంటికి వారిని ఆహ్వానించిన సమయాన ఈ క్రింది డైలాగ్ సాధారణంగా వినబడుతుంది..

“ .. .. మీ ఇంట్లొ ఏదైనా ఫంక్షన్ పెట్టుకోండి, ఆ వంకనైనా మనం కలుద్దాం .. .. ”

కానీ ఈ మహిళలు కలవడానికి ఓ సాకుని ఎన్నుకుని కలుస్తున్నారే, అది హర్షించదగ్గ విషయం. మనకు ఎలాంటి చుట్టరికం లేని మఱో మహిళను మన ఇంటికి ఆహ్వానించడం లేదా వారి ఆహ్వానాన్ని స్వీకరించి వారింటికి వెళ్ళడాని ఎదుటి వారితో మనకి ఎంతో సాన్నిహిత్యం ఉండాలి. అలాంటి భావన ఇలాంటి ఘటనల ద్వారా ఈ మహిళలు వ్యక్తపరుస్తున్నారు. కావున ఇలాంటివి మరింత తక్కువ సమయంలో మరిన్ని ఎక్కువసార్లు కలిస్తే బాగుంటుందని నేను అనుకుంటున్నాను. మహిళా ప్లస్సర్లూ!! వింటున్నారా!! సారి, చదువుతున్నారా నా మనోభిష్టాన్ని?

 

[[ష్ .. ష్ .. గప్ చిప్.. గూఢాచారిగా నా భార్య వెళుతోంది, అక్కడ ఏమి జరిగింది, ఎవ్వరెవ్వరు ఏమేమి తెచ్చారు, ఎవ్వరెవ్వరు ఏమేమి మాట్లాడుకున్నారు, వగైరా .. వగైరా.. వంటి మరిన్ని వివరాలు త్వరలో..]]

ప్రస్తుతం మానవునికి తెలిసిన దూరమెంత అంటే!!


ముందు ఈ లంకె చూడండి .. ఐదు భాగాలుగా విడగొట్టి చిత్రంలాగా ఉంచితే.. ఇంతౌతుంది

















------------------------------------------- వినదగు నెవ్వరు జెప్పినన్ - వినినంతనే వేగిర పడక వివరింప దగున్ కనికల్ల నిజము దెలిసిన - మనుజుడే పో నీతిపరుడు మహిలో సుమతి

తెలంగాణా వాదులూ.. మీకు అన్యాయం జరిగిపోతోంది

ఇవ్వాళ ఉదయం ఇంట్లో టిఫిన్ ఆలశ్యం అయ్యేటప్పటికి, బయటికి వెళ్ళి తిందాం అని బయలుదేరాను. ప్రస్తుతం నేను కూకట్ పల్లిలో ఉంటున్నాను కదా, అదో పెద్ద చెత్త కుండి అని ఆలశ్యంగా తెలిసింది. ఉదయం వేళల్లో టిఫిన్ ఎక్కడ దొరుకుతుందా అని వెతుక్కుంటూ వెళితే ఓ చోట చాలా మందు గుమ్మి కూడి ఉన్నారు. ఏంటిదిరా, అనుకుంటూ కొంచం నిశితంగా పరిశీలిస్తే అప్పుడు అర్దం అయ్యింది అక్కడ గుమ్మి కూడి ఉన్న వారంతా టిఫిన్ కోసం అని.

చూడబోతే అదో పెద్ద పద్మ వ్యూహంలా ఉంది. దానిని ఎలాగో ఒకలా ఛేదించుకుని టోకెన్లు ఇచ్చే వాడి వద్దకు వెళ్ళి ఇడ్లీ టొకెన్ అడిగాను. ఏదో పేద్ద తప్పు చేసినట్లు వాడో లుక్కు ఇచ్చాడు. తీరా విషయం ఏమిటంటే అక్కడ ఇడ్లీల కన్నా పూరీలు ఫేమస్. సరే నా భార్యకు పూరీ అంటే ఇష్టం కదా అని ఓ ప్లేట్ పూరీ కట్టించుకుని నేను తినడానికి ఏమి ఉందన్నాను. ’అక్కడ బొండాలున్నాయి పోయి ఏది కావాలో పెట్టించుకుని తిను..’ అని ఓ డైలాగ్ వేశాడు.

సరే కదా అని ఆ ప్రక్కనే ఉన్న సర్వింగ్ టేబుల్ వాడి దగ్గరకు వెళ్ళి బాబూ ఓరెండు బోండాలివ్వు అన్నాను. ఏ బోండా కావాలి అన్నాడు? అప్పుడు నా గొంతులో వెలక్కాయ పడింది. బోండాలో రకాలా !! ఏమిటబ్బా ఆ రకాలు అని తేరిపారా చూశాను. అక్కడ రొండు రకాల బోండాలు కనబడ్డాయి. ఒకటి బాగా వేయించ బడి అచ్చం వెజ్ మంచూరియాలా కరకర లాడే రకంగా గరుకుగా పెద్ద సైజు జామకాయ లాగా కనబడింది. అంటే అది వెజ్ మంచూరియా అంత సైజు లేదు కానీ అంతకు ఓ రెండు మూడింతలు సైజు పెద్దగా ఉంది. మఱొకటి కొంచం లేతగా దోరగా వేయించినట్లు నున్నగా నాజూకుగా మగ్గిన సపోటాలా ఉంది.

ఇంతకీ ఏమిటా అవి అనిడిగితే, దోరగా వేయించినట్లున్న దానిని మైసూర్ బోండా అంటారండీ అన్నాడు. మరి మరోదేమిటి అని అడిగితే వాడిచ్చిన సమాధానమే ఈ పోస్టుకి మూలాధారం. దానిని .. అంద్రా బోండా అంటారంట. గేందిరా ఇది, ఈడకొచ్చి ఈడ కొట్టేటి ఈడ అమ్ముకుంటూ ఆంద్రా అంటావ్ .. గిసంటుదే మరోటి సెయ్యాలా.. గసొంటి దానికి తెలంగాణా బొండా అని పేరట్టాలా. ఏమంటార్ ర్రా.. మీకు సానా అన్నాయం సేత్తుండ్రు. తినే తిండికాడ గూడా మీకు హాక్కు లే? దీన్ని మీరందరూ గల్సి కండిచాలే, గా పేరెట్టినోడ్ని బొక్కల్ చూరజూర నూకల్న. గపుటిదాఁక నేను బొండా దిన. బిడ్డా నీ తెలంగాణా బొండామీదొట్టు

 
Clicky Web Analytics