వ్యాపార సలహా : NHPC పడిపోతోంది

 

ఈ మధ్యనే వచ్చిన కొన్ని IPOలలో చాలా తక్కువకు లిస్ట్ అయిన స్క్రిప్ట్ ఇది. పబ్లిక్ ఆఫర్ క్రింద ఈ స్క్రిప్ట్ విలువను 36/- రూపాయలుగా నిర్ణయించి ఇష్యూ చేసారు. ఆ తరువాత దీని విలువ 39/- రూపాయలు దాకా వెళి ఆ తరువాత క్షీణించ సాగింది. ఈ మధ్యనే కేంద్ర ప్రభుత్వం మఱో ఉత్తర్వుని కూడా జారీ చేసింది. ఏమిటంటారా.. ఈ షేర్ నందు పెట్టుబడి పెట్టే వంతు శాతంలో పబ్లిక్ వాటాని మఱో పది శాతం పెంచుకునే హక్కుని ఈ యాజమాన్యానికి ఇచ్చింది. ఇదిగో అప్పుడు మొదలైంది అస్సలైన కధ.

ఎప్పుడైతే కొనుగోలు మొదలైందో అమ్మకాలు జోరుగా సాగడం, ఆ తరువాత హెచ్చు తగ్గులౌతూ ఇప్పుడు అతి తక్కువలో వ్యాపార లావాదేవీలు నడుపుతోంది. ఈ పుట వ్రాసే నాటికి ఈ షేర్ ధర 30.10/- వద్ద ట్రేడ్ అవుతోంది. ఎందుకని నేను ఈ షేరుని రికమెండ్ చేస్తున్నానంటే, ముఖ్యంగా ఇది గవర్నమెంట్ యాజమాన్యం సహాయ సహకారాలతో నడుస్తున్న సంస్థ. రెండొవది, వీరు ఎన్నుకున్న ప్రోజక్టుల లొకేషన్స్. ఈ లొకేషన్స్ లలో నీరు చాలా బాగా ప్రవహిస్తోంది. ఈ షేర్ ఎక్కటికైనా సేఫే. కానీ ఇది దీర్ఘ కాలిక పెట్టుబడిగా మాత్రమే తలచుకోవాలి. ఏదో కొద్దిపాటి లాభాలకోసం అయితే మాత్రం ఓ ఆరు నెలలు ఆగితే సరిపోతుంది. దీర్ఘ కాలం ఉంచగలిగిన వాళ్ళకు ఇది కల్ప వృక్షమే. నేనైతే ఈ సంవత్సరానికి ఎంత సొమ్మైతే ఫిక్స్ ‍డ్ డిపాజిట్ చేద్దాం అనుకుంటున్నానో ఆ సొమ్మునంతా ఇక్కడ ఇన్వెస్ట్ చేసేసాను. కాబట్టి నేను దీర్ఘకాలిక లాభాలవాడిని అని అనుకోండి. వాళ్ళు క్రొత్తగా మఱో ఫీచర్ ని ఇంట్రడ్యూస్ చేసారు. NHPC వివరాలు క్రొత్తగా ఈ లంకెలో చూడండి.

ఏది ఏమైనా.. ముందే చెప్పినట్లు, ఇది నా అనుభవం మాత్రమే. నేను ఏ విధమైన పరిశోధనలు జరపలేదు, అలాగే నాకు అనుభవఙ్ఞులెవ్వరు సాయ పడలేదు. ఈ కంపెనీ యొక్క సాంకేతిక విషయాలు నాకు ఏమాత్రం తెలియదు, కావున మీరు ఇన్వెస్ట్ చెయ్యదలచుకుంటే అందుకు పూర్తిగా మీరే భాద్యులు. ఒక వేళ నేనాశించినట్లుగా ఆరు నెలల తరువాత కూడా ఈ షేరులో మార్పు రాని యడల అందుకు నన్ను భాధ్యుడను చెయ్యవద్దని ముందుగా హెచ్చరిస్తున్నాను

-------------------------------------------
వినదగు నెవ్వరు జెప్పినన్ - వినినంతనే వేగిర పడక వివరింప దగున్
కనికల్ల నిజము దెలిసిన - మనుజుడే పో నీతిపరుడు మహిలో సుమతి

చచ్చినోడి చావుకి వచ్చిందే కట్నం – కాదు కాదు, మనం అడిగింది ఇవ్వాల్సిందే

ఈ మధ్య మన అందరికీ తెలిసిన విషయమే.. మన ముఖ్య మంత్రి వై ఎస్ ఆర్ మృతి. ఆయన స్మృత్యర్ధం కాంగ్రెస్ ఎమ్ ఎల్ ఎ లు ఏవిధంగా డబ్బులు దండుకుంటున్నారో మీకు తెలిస్తే పాత కాల సామెతను తిరగ వ్రాస్తారేమో.. ఏంటి జోకనుకుంటున్నారా..


చాల్లేండి .. మీతో నాకు జోకులా.. ఇదిగో నాకు వచ్చిన ఓ స్కాన్ కాపీని మీ ముందు ఉంచుతున్నాను. చక్కగా చదివి మీ తెలివికి పదును పెట్టుకోండి. ఈ విషయం పై వీరెవ్వరిని అడిగామనుకోండి, వచ్చే సమాధానం ఏమిటో మీ కందరికీ తెలిసే ఉంటుంది. అదేనండి, ఖండిస్తున్నాం.. ఇది అంతా భూటకం.. తప్పుడు సాక్ష్యం.. ఇలాంటివి ఎన్ని కావాలంటే అన్ని మేము కూడా సృష్టిస్తాం అంతా అబద్దం .. అంటూ తెగ వాగేస్తూ మనమీద పరువు నష్టం దావా కూడా వేస్తారు. కాబట్టి ఇది ఎవ్వరినీ ఉద్దేశించి వ్రాసినది కాదు కాంగ్రెస్ వారిని అప్రదిష్ట పాలు చెయ్యడానికి ప్రత్యర్దులు పన్నిన పన్నాగం ఏవిధంగా ఉందో అని తెలియ జేస్తున్నాను.



ఉష్.. ష్.... మనలో మన మాట ఒకవేళ నిజంగా చెక్కొచ్చిందనుకోండి. అది ఎవ్వరికీ చెప్పొద్దు. బినామి ఎకౌంట్ ఏదో ఒకటి ఉంటుంది, అందులో వేసుకుంటారు అని మనం వేరే చెప్పనక్కర లేదు కదా..

 
Clicky Web Analytics