ఉంటాను .. నిరీక్షణతో ..

ప్రియతమా .. !!

నీవు వచ్చే దారిలో

కలల స్వప్నాల పువ్వులను పరచి..

ఉంటాను .. నిరీక్షణ తో ..

హృదయపు వాకిటికి

ఆసల తోరణాలు కట్టి

ఉంటాను .. నిరీక్షణ తో ..

కనురెప్పల కవాటాలకు

కోర్కెల ముగ్గులు వేసి

ఉంటాను .. నిరీక్షణ తో ..

కళ్ళలో ప్రేమ అనే

వొత్తిని వెలిగించి

ఉంటాను .. నిరీక్షణ తో ..

కరిగి పోయిన కాలం సాక్షిగా

తిరిగి రాని లోకాలకు వెళ్ళిన నీకై

ఉంటాను .. నిరీక్షణ తో ..

నీ .. రాని రాకకై,

నిరీక్షిస్తూ ఉంటాను ..