వ్యాపార సలహా - ఇది ఒక సలహా మాత్రమే

 

ఈ మధ్య కొంత కాలంగా మొబైల్ ఇండస్ట్రీలో చాలా కాంపిటీషన్ కనబడుతోంది. అలాంటి కాంపిటీషన్ వ్యాపార పరంగా మంచిదే. కొన్ని విలీనాలు, మరికొన్ని కొత్త బ్రాండ్స్ మార్కెట్ లో విరివిగా కనబడుతున్నాయి. ఇలాంటి తరుణంలో నేను క్రితంలో లాభమార్జించిన ఓ షేర్ ఇప్పుడు చాలా నష్టాలలో ఉంది. ఇలాంటి సమయంలో మనం ఎంతో కొంత ఇన్వెస్ట్ చేస్తే బాగుంటుందని నా అభిప్రాయం.

అది 2007వ సంవత్సరం జూన్ 21వ తారీఖు. అప్పట్లో మన షేర్ మార్కెట్ శర వేగంతో పరిగెడుతోంది. అలాంటి రోజున నేను HFCL Infotel Ltd., అనే కంపెని యొక్క షేర్లు ఓ రెండొందలు కొన్నాను. ఎంతకి అంటారా.. Rs.15.75/- ఆ తరువాత దానిని ఓ ఆరు నెలల తరువాత Rs.46.40/- వద్ద అమ్మేశాను. దీని వల్ల నాకు కలిగిన లాభం, Rs.6130/-. ఈ షేరు ఇప్పుడు చాలా తక్కువలో కాక పోయినా తక్కువలోనే అమ్ముడవుతోంది. BSE లో ఈ షేరుని కొనాలంటే ఈ లంకె ని చూడండి

ప్రస్తుతం ఈ షేరు 6 రూపాయిల 36పైసలు దగ్గర వ్యాపార లావాదేవీలు నడుపుతోంది. కావున వీలైనన్ని కొని, లాంగ్ టరమ్ కోసం దాచుకున్నారనుకోండి, బ్యాంక్ వడ్డీ కన్నా ఎక్కువే లాభం పొందే అవకాసం ఉంది. ఇక్కడ నా ఉద్దేశ్యంలో లాంగ్ టరమ్ అంటే దాదాపు ఓ ఆరు నెలలు అన్నమాట. అందువల్లన ఓ ఆరు నెలలు డబ్బులు మనవి కాదు అనుకున్నట్లైతే ఈ షేర్ యందు ఇన్వెస్ట్ చెయ్యవచ్చు.

ఆఖరుగా .. ముందే చెప్పినట్లు, ఇది నా అనుభవం మాత్రమే. నేను ఏ విధమైన పరిశోధనలు జరపలేదు, అలాగే నాకు అనుభవఙ్ఞులెవ్వరు సాయ పడలేదు. ఈ కంపెనీ యొక్క సాంకేతిక విషయాలు నాకు ఏమాత్రం తెలియదు, కావున మీరు ఇన్వెస్ట్ చెయ్యదలచుకుంటే అందుకు పూర్తిగా మీరే భాద్యులు. ఒక వేళ నేనాశించినట్లుగా ఆరు నెలల తరువాత కూడా ఈ షేరులో మార్పు రాని యడల అందుకు నన్ను భాధ్యుడను చెయ్యవద్దని ముందుగా హెచ్చరిస్తున్నాను

3 స్పందనలు:

Venkata Ganesh. Veerubhotla said...

మాష్టారు, కువకువలలో బిజీ అంటే ఇది అన్నమాట? అన్నమాట ఏమిటి ఉన్న మాటే ):- ?
PL మహాశయులు కింద గుంపుకి వర్క్ తోసేసి ఇలా ట్రేడింగ్ చేస్తారు అనేది జగద్విదితమే కదా ):-
షరా: నిజంగా పని చేసే PL మహానుభావులు నన్ను మన్నించాలి!

చక్రవర్తి said...

గణేష్ గారూ,

అభాండం వేసారు. అయినా కెలికారు కాబట్టి చెబుతున్నా.. నా ఆంగ్ల బ్లాగు చదివారుగా, అక్కడ అర్దం అయ్యుండాలి మా పరిస్థితి. అంతే కాకుండా, క్రిందటి నెలలో నా టీం నుంచి ఇద్దరిని తీసేసారు, ఇప్పుడు వారి పని కూడా నేనే చెయ్యాల్సి వస్తోంది. నేను పేరుకి మాత్రమే PL కానీ నేను చేసే పనంతా ప్రోగ్రామర్ చేసేదే. అలా ఉంది మన పరిస్థితి.

ఏది ఏమైనా స్పందించినందులకు నెనరులు

Venkata Ganesh. Veerubhotla said...

చక్రవర్తి గారు,
సరదాగా జోకాను. మా PL చేస్తున్నట్టుగా మీరు అనుకున్నా. మా టీం లో కూడా నలుగురిని తీసేసారు. నాకు చావు తప్పి కన్ను లొట్ట పోయింది. మిమ్ములను నొప్పిస్తే సారి!

 
Clicky Web Analytics